[42] นอุปาทานํ นอกุสลํ ธมฺมํ ปจฺจยา อุปาทาโน อกุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

75-82-1. กิเลสทุกาทิ-กุสลตฺติกํ

[43] นกิเลสํ นอกุสลํ ธมฺมํ ปจฺจยา กิเลโส อกุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

83-100-1. ปิฏฺฐิทุกานิ-กุสลตฺติกํ

[44] นทสฺสเนน ปหาตพฺพํ นกุสลํ ธมฺมํ ปจฺจยา นทสฺสเนน ปหาตพฺโพ กุสโล ธมฺโม อุปฺปชฺชติ เหตุปจฺจยาฯ เหตุยา เอกํฯ

นทสฺสเนน ปหาตพฺพํ นอกุสลํ ธมฺมํ ปจฺจยา ทสฺสเนน ปหาตพฺโพ อกุสโล ธมฺโม อุปฺปชฺชติ เหตุปจฺจยาฯ นทสฺสเนน ปหาตพฺพํ นอกุสลํ ธมฺมํ ปจฺจยา นทสฺสเนน ปหาตพฺโพ อกุสโล ธมฺโม อุปฺปชฺชติ เหตุปจฺจยาฯ เหตุยา ทฺเวฯ

นทสฺสเนน ปหาตพฺพํ นอพฺยากตํ ธมฺมํ ปฏิจฺจ นทสฺสเนน ปหาตพฺโพ อพฺยากโต ธมฺโม อุปฺปชฺชติ เหตุปจฺจยาฯ นนทสฺสเนน ปหาตพฺพํ นอพฺยากตํ ธมฺมํ ปฏิจฺจ นทสฺสเนน ปหาตพฺโพ อพฺยากโต ธมฺโม อุปฺปชฺชติ เหตุปจฺจยาฯ เหตุยา ทฺเวฯ

[45] นภาวนาย ปหาตพฺพํ นกุสลํ ธมฺมํ ปจฺจยา นภาวนาย ปหาตพฺโพ กุสโล ธมฺโม อุปฺปชฺชติ เหตุปจฺจยาฯ เหตุยา เอกํฯ

[46] นทสฺสเนน ปหาตพฺพเหตุกํ นกุสลํ ธมฺมํ ปจฺจยา นทสฺสเนน ปหาตพฺพเหตุโก กุสโล ธมฺโม อุปฺปชฺชติ เหตุปจฺจยาฯ เหตุยา เอกํฯ

[47] นภาวนาย ปหาตพฺพเหตุกํ นกุสลํ ธมฺมํ ปจฺจยา นภาวนาย ปหาตพฺพเหตุโก กุสโล ธมฺโม อุปฺปชฺชติ เหตุปจฺจยาฯ เหตุยา เอกํฯ

[48] นสวิตกฺกํ นกุสลํ ธมฺมํ ปจฺจยา สวิตกฺโก กุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

[49] นสวิจารํ นกุสลํ ธมฺมํ ปจฺจยา สวิจาโร กุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

[50] นสปฺปีติกํ นกุสลํ ธมฺมํ ปจฺจยา สปฺปีติโก กุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

[51] นปีติสหคตํ นกุสลํ ธมฺมํ ปจฺจยา ปีติสหคโต กุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

[52] นสุขสหคตํ นกุสลํ ธมฺมํ ปจฺจยา สุขสหคโต กุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

[53] นอุเปกฺขาสหคตํ นกุสลํ ธมฺมํ ปจฺจยา อุเปกฺขาสหคโต กุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

[54] นนกามาวจรํ นกุสลํ ธมฺมํ ปจฺจยา นกามาวจโร กุสโล ธมฺโม อุปฺปชฺชติ เหตุปจฺจยาฯ นนกามาวจรํ นกุสลํ ธมฺมํ ปจฺจยา กามาวจโร กุสโล ธมฺโม อุปฺปชฺชติ เหตุปจฺจยาฯ เหตุยา ทฺเวฯ

[55] นรูปาวจรํ นกุสลํ ธมฺมํ ปจฺจยา รูปาวจโร กุสโล ธมฺโม อุปฺปชฺชติ เหตุปจฺจยาฯ นรูปาวจรํ นกุสลํ ธมฺมํ ปจฺจยา นรูปาวจโร กุสโล ธมฺโม อุปฺปชฺชติ เหตุปจฺจยาฯ เหตุยา ทฺเวฯ

[56] นอรูปาวจรํ นกุสลํ ธมฺมํ ปจฺจยา อรูปาวจโร กุสโล ธมฺโม อุปฺปชฺชติ เหตุปจฺจยาฯ นอรูปาวจรํ นกุสลํ ธมฺมํ ปจฺจยา นอรูปาวจโร กุสโล ธมฺโม อุปฺปชฺชติ เหตุปจฺจยาฯ เหตุยา ทฺเวฯ

[57] นอปริยาปนฺนํ นกุสลํ ธมฺมํ ปจฺจยา อปริยาปนฺโน กุสโล ธมฺโม อุปฺปชฺชติ เหตุปจฺจยาฯ นอปริยาปนฺนํ นกุสลํ ธมฺมํ ปจฺจยา ปริยาปนฺโน กุสโล ธมฺโม อุปฺปชฺชติ เหตุปจฺจยาฯ เหตุยา ทฺเวฯ

[58] นนิยฺยานิกํ นกุสลํ ธมฺมํ ปจฺจยา นิยฺยานิโก กุสโล ธมฺโม อุปฺปชฺชติ เหตุปจฺจยาฯ นนิยฺยานิกํ นกุสลํ ธมฺมํ ปจฺจยา นอนิยฺยานิโก กุสโล ธมฺโม อุปฺปชฺชติ เหตุปจฺจยาฯ เหตุยา ทฺเวฯ

[59] นนิยตํ นกุสลํ ธมฺมํ ปจฺจยา นิยโต กุสโล ธมฺโม อุปฺปชฺชติ เหตุปจฺจยาฯ นนิยตํ นกุสลํ ธมฺมํ ปจฺจยา อนิยโต กุสโล ธมฺโม อุปฺปชฺชติ เหตุปจฺจยาฯ เหตุยา ทฺเวฯ

[60] นอนุตฺตรํ นกุสลํ ธมฺมํ ปจฺจยา อนุตฺตโร กุสโล ธมฺโม อุปฺปชฺชติ เหตุปจฺจยาฯ นอนุตฺตรํ นกุสลํ ธมฺมํ ปจฺจยา สอุตฺตโร กุสโล ธมฺโม อุปฺปชฺชติ เหตุปจฺจยาฯ เหตุยา ทฺเวฯ

[61] นสรณํ นกุสลํ ธมฺมํ ปจฺจยา อรโณ กุสโล ธมฺโม อุปฺปชฺชติ เหตุปจฺจยาฯ เหตุยา เอกํฯ

นสรณํ นอกุสลํ ธมฺมํ ปจฺจยา สรโณ อกุสโล ธมฺโม อุปฺปชฺชติ เหตุปจฺจยาฯ เหตุยา เอกํฯ

นสรณํ นอพฺยากตํ ธมฺมํ ปฏิจฺจ อรโณ อพฺยากโต ธมฺโม อุปฺปชฺชติ เหตุปจฺจยาฯ นอรณํ นอพฺยากตํ ธมฺมํ ปฏิจฺจ อรโณ อพฺยากโต ธมฺโม อุปฺปชฺชติ เหตุปจฺจยาฯ เหตุยา ทฺเวฯ

1-2. เหตุทุก-เวทนาตฺติกํ

[62] นเหตุํ นสุขาย เวทนาย สมฺปยุตฺตํ ธมฺมํ ปฏิจฺจ เหตุ สุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยาฯ นเหตุํ นสุขาย เวทนาย สมฺปยุตฺตํ ธมฺมํ ปฏิจฺจ นเหตุ สุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยาฯ นเหตุํ นสุขาย เวทนาย สมฺปยุตฺตํ ธมฺมํ ปฏิจฺจ เหตุ สุขาย เวทนาย สมฺปยุตฺโต จ นเหตุ สุขาย เวทนาย สมฺปยุตฺโต จ ธมฺมา อุปฺปชฺชนฺติ เหตุปจฺจยาฯ เหตุยา ตีณิฯ นเหตุ นทุกฺขาย เวทนาย สมฺปยุตฺตมูลํ ตีณิเยวฯ

นเหตุํ นอทุกฺขมสุขาย เวทนาย สมฺปยุตฺตํ ธมฺมํ ปฏิจฺจ เหตุ อทุกฺขมสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา… เหตุยา ตีณิฯ

1-3. เหตุทุก-วิปากตฺติกํ

[63] นเหตุํ นวิปากํ ธมฺมํ ปฏิจฺจ เหตุ วิปาโก ธมฺโม อุปฺปชฺชติ เหตุปจฺจยา… เหตุยา ตีณิฯ